Miri Yusif: 'Emin Ağalarovun konsert verdiyi məkanda problem ola bilər? - FOTOLAR
MAQAZİN
11:00 31.05.2013
3457
Ötən gün müğənni Miri Yusif iyunun 30-da Yaşıl Teatrda keçirəcəyi konsertlə bağlı mətbuat konfransı keçirib.AZXEBER.COM-un məlumatına görə, mətbuat konfransında jurnalistlərin suallarının cavablandıran Miri Yusif, konsertdə yalnız səsi ilə şou göstərəcəyini bildirib: “Mən konsertimdə qeyri-adi şou söz vermirəm. Mənim şoum yalnız səsim olacaq. Biletlər də ucuzdur. Mənim bundan öncəki konsertlərim həmişə bahalı kulublarda keçirilib və biletlər 100 manatdan yuxarı olub. İndi isə biletlərin qiyməti 20 manatdan başlayır. Düşünürəm ki, bu qiymətə görə hamı gələ bilər”.Jurnalistlərin konsert zamanı Yaşıl Teatrda səs akustikası ilə bağlı problem olar və ya olmaz sualına Miri Yusif belə cavab verib: “Səs akustikası ilə bağlı məncə heç bir problem olmaz. Sizcə Emin Ağalarovun konsert verdiyi məkanda səs akustikası ilə bağlı problem ola bilər? Yox. Başqa sözə ehtiyac yoxdur”.
