O bildirib ki, Azərbaycan müharibə başa çatdıqdan dərhal sonra sülh prosesinə təşviq edən tərəfdir: 

"Azərbaycan qalib olduğu kimi prosesdə də aparıcı tərəfdir. Bu günə qədər sülh müqaviləsinin ləngiməsi yalnız Ermənistanın qeyri-adekvat davranışları ilə bağlıdır. Azərbaycanın hədəfində bölgədə davamlı sülh və sabitlik, əməkdaşlıq mühiti formalaşdırmaq məqsədi dayanır. Bu istiqamətdə biz beynəlxalq hüquqa əsaslanan bütün platformalara açığıq. Vaşinqton, Soçi, Brüssel və Moskva görüşlərində Azərbaycanın mövqeyi aydındır. Azərbaycan prezidenti 1970-ci il, 1975-ci il beynəlxalq hüququn prinsiplərini rəhbər tutaraq onların əsasında 5 şərt irəli sürüb. Bu gün əgər Ermənistan həmin şərtləri inkar edərsə, o bütövlükdə beynəlxalq hüququ inkar etmiş olacaq. Dünən Ermənistanın sabiq xarici işlər naziri açıq şəkildə etiraf etdi ki, Ermənistan Qarabağ məsələsində artıq prosesin sonuncu mərhələsindədir”.

Bəhruz Məhərrəmov Moskva görüşünün də Azərbaycan  üçün növbəti mühüm  platforma olduğunu vurğulayıb:

"Çünki həm Rusiya, həm də Ermənistanla müzakirə ediləcək çox saylı məqamlar var. Hər bir görüşə yekun sülh müqaviləsi istiqamətində mühüm imkan kimi yanaşırıq. Azərbaycan görüşlərin hər birində istər hüququn gücü, istərsə də gücün hüququ baxımından əsas diktə edən tərəfdir”.