Mərkəzi Seçki Komissiyasının bu gün keçirilən iclasında seçkilərlə əlaqədar quruma daxil olmuş müraciətlərə baxılıb.
42 saylı Sumqayıt seçki dairəsindən namizədliyi irəli sürülən Tənzilə Rüstəmxanlı DSK-nın onun namizəd kimi qeydə alınmaması ilə bağlı qərarı ilə əlaqədar MSK-ya müraciət edib. Şikayət icraata qəbul edilib. Rüstəmxanlı şikayətində qeyd edib ki, 42 saylı seçki dairəsi üzrə seçici imzaları toplanılaraq DSK-ya təqdim edilib. T. Rüstəmxanlı müraciətində qeyd edir ki, DSK səlahiyyətli namizədə imzaların yoxlanılması barədə məlumat verməmiş, iclasa dəvət edilməmişdir.
DSK qeyd edib ki, 550 imzadan 183 nəfər seçicininin imzası aldatma məqsədilə verilib. İmzaların yoxlanılması prosesində səlahiyyətli nümayəndəyə bir gün əvvəl məlumat verilib, onun iştirakı təmin edilib. 183 nəfər DSK- ya müraciət edərək aldatma məqsədilə imza verdikləri barədə ərizə ilə müraciət ediblər. Beləliklə, MSK DSK-nın qərarını qüvvədə saxlayaraq Tənzilə Rüstəmxanlının namizədliyinin qeydə alınmasından imtina edib.
///Qafqazinfo
