Müdafiə Nazirliyi iyunun 26-da Bakıda keçiriləcək paradla bağlı məlumat yayıb.

Nazirliyin mətbuat xidmətindən  daxil olan məlumata bildirilir ki, Azərbaycan Silahlı Qüvvələrinin yaradılmasının 95 illiyi münasibətilə sabah Azadlıq meydanında keçiriləcək hərbi paradda 5000-dən çox şəxsi heyətin iştirakı nəzərdə tutulur. Son illər yeni istehsal olunan və modernləşdirilmiş texnika, o cümlədən müasir silah sistemlərinin nümayişi ilə yadda qalacaq hərbi parada 300-ə yaxın texnika və silah sistemləri, 100-dən çox təyyarə və vertolyot, 40-a yaxın gəmi və kater cəlb olunacaq. 

Azərbaycan Respublikasının prezidenti, Silahlı Qüvvələrin Ali Baş Komandanı cənab İlham Əliyevə Hərbi paradın hazır vəziyyətdə olması barədə raportu müdafiə naziri, general-polkovnik Səfər Əbiyev verəcək.