Müğənni Ramaldan Ziya Məmmədovun oğluna cavab gəldi
MAQAZİN
00:30 11.12.2012
3613
“Aləm gözəl” mahnısı ətrafında baş verən qalmaqal deyəsən, yenidən alovlanacaq. Gün.Az xəbər verir ki, Abbas Bağırovla Ramal İsrafilovun arasındakı mahnı davası yeni məcraya yönələ bilər. Belə ki, Ramal “ATV Maqazin” verilişində “Aləm gözəl”ə qarşı “Dünya gözəl” adlı mahnı yazdığını deyib. “Bu mahnını mən şəxsən bu söz-söhbətlərə görə yazdım. Uğurlu da alınıb. Bəzi adamlara demək istəyirəm ki, məni rahat həzm eləsinlər. Mahnılarımı da həmçinin. Ürəyiniz istəyən mahnımı da götürüb oxuyun, amma xahiş edirəm ki, adımı çəkəsiniz. İstəmirəm ki, haqqımı tapdalasınlar”. Xatırladaq ki, bir müddət öncə Brilliant Dadaşova Abbas Bağırovun ifa etdiyi “Aləm gözəl” mahnısını oxuyub. Mahnının ideyasının özünə aid olmasını irəli sürən xalq artisti bununla qalmaqala rəvac vermiş olub.A.Bağırov efir vasitəsilə B.Dadaşovaya “Aləm gözəl”in bəstəkarının nəqliyyat nazirinin oğlu, iş adamı Anar Məmmədov olduğunu deyib. Əlavə edib ki, A.Məmmədov mahnını məhz onun oxumasını istəyib.
