İngiltərə və Uelsdə streptokok (boğazda bakteriyaların yaratdığı xəstəlikdir” adlı xəstəliyin ölümü insanlar arasında təşviş yaradıb.
AZXEBER.COM xarici mediaya istinadən xəbər verir ki, mütəxəssislər ölümcül göstəricisi yüksək olan xəstəliklə bağlı xəbərdarlıq edərək, əlamətlərini sadalayıblar.
Xüsusilə uşaqlar arasında çox rast gəlinən və ölümlə nəticələnən bu xəstəlik səbəbindən son günlər İngiltərədə 5, Uelsdə isə 1 uşaq dünyasını dəyişib. Bildirilib ki, İngiltərədə ölüm halları London, Surrey və Bukingemşirdə baş verib.
Mütəxəssislər dörd yaşa qədər uşaqlarda bu xəstəliyin 5 qat daha ölümcül olduğunu bildiriblər. Həmçinin antibiotiklərin istifadəsi və erkən müdaxilə ilə xəstəliyin sağalma ehtimalının yüksək olduğu vurğulanıb.
Britaniya mətbuatı uşaqlarda bu xəstəliyin əlamətlərini də sadalayıb.
Məlumata görə, simptomlara boğaz ağrısı, qırmızı yanaqlar, yüksək hərarət və əzələ ağrısı daxildir.
Ayşən
