Populyar meyxanaçı Namiq Qaraçuxurlu şou-biznesin müxtəlif nümayəndələrinə müraciət edib.
AZXEBER.COM Day.Az saytına istinadən verdiyi məlumata görə, Namiq yerli telekanallardan birinə açıqlamasında deyib: "Çoxları mənimlə teleaparıcı Emin Musəvi arasında oxşarlıq olduğunu deyirlər. Əvvəllər bu, daha çox nəzərə çarpırdı. Amma indi mən arıqlamışam. Odur ki, Musəviyə də arıqlamasını və saç düzümünü mənimki kimi etməsini məsləhət görürəm".Meyxanaçı vaxtilə klipində çəkilmiş aktrisa Firəngiz Mütəllimovaya da müraciət edib: "Yeni klipimdə ona rol təklif etmək istəyirəm. Röyaya isə məsləhət görürəm ki, başqa müğənnilərin pullarını saymağa son qoysun. Nəhayət, çox hörmətli Şakiradan xahiş edirəm ki, mənə zəng etməsin. Çünki həyatımda başqası var".
