"Qarabağ"la UEFA Avropa Liqasındakı matç bizim üçün vacibdir".
Bunu "Nant"ın baş məşqçisi Antuan Kombuare səfərdə "Nitsa" ilə 1:1 hesablı heç-heçə etdikləri Liqa 1-in XII tur oyunundan sonra mətbuat konfransında deyib.
59 yaşlı mütəxəssis avrokubok qarşılaşmasının onlara irəliləmək üçün imkan verəcəyini bildirib: "Ancaq bizim üçün daha önəmli olan çempionatdır. Növbəti bazar günü "Klermon"la üz-üzə gələcəyik. Əsas məqsədimiz rəqibi məğlub etməkdir. Lazım olan resursları tapacağıq. Biz geridönüş etmək üçün kifayət qədər güclüyük".
Qeyd edək ki, oktyabrın 27-də keçiriləcək "Nant" - "Qarabağ" görüşü Bakı vaxtı ilə saat 23:00-da başlayacaq.
