'Nar Mobile' abunəçiləri üçün 4 qəpiyə taksi xidməti
İQTİSADİYYAT
19:43 07.05.2012
2737
Azərbaycanın ilk 3G operatoru olan Nar Mobile abunəçiləri üçün möhtəşəm aksiya keçirib. Belə ki, şirkət 7 -17 may tarixləri arasında abunəçilərinə, üzərində Nar Mobile yazısı və loqosu olan taksilərə cəmi 4 qəpik ödəməklə bir istiqamətdə taksi xidmətindən istifadə etməyə imkan yaradır. Bu xidmətdən paytaxt sakinləri, həmçinin “Eurovision 2012” mahnı müsabiqəsi ərəfəsində ölkəmizə gələn turistlərdə yararlana biləcəklər. “Hər zaman öz yenilikləri ilə fərqlənən Nar Mobile, bu gün yenidən öz abunəçilərini sevindirir. Bu cür ucuz qiymətə taksi xidməti ilk dəfədir ki ölkəmizdə təqdim olunur. Abunəçilərimiz, üzərində Nar Mobile loqosu olan taksilərə əyləşərək bir istiqamətdə cəmi 4 qəpik ödəyəcəklər. Ümid edirəm ki, bu yeniliyimiz hamının ürəyincə olacaq. Göründüyü kimi, Nar Mobile artıq sərfəli paket qiymətlərini digər xidmət növlərinə müddətli olaraq şamil etməklə öz abunəçilərinin qayğısına qalır” – deyə Azerfon şirkətinin Biznesin İnkişafı və Kommunikasiyalar üzrə İcraçı Direktoru Leyla Nəsrullayeva bildirib. Qeyd edək ki, 05 May 2012-ci il tarixdə saat 17.00-da Azərbaycan kinoteatrının qarşısında təqdimat mərasimi baş tutub. Mərasimdə Nar Mobile tərəfindən yarışmalar keçirilib və hədiyyələr paylanılıb. Bundan əlavə, DJ-lər və məşhur şoumenlərin iştirakı ilə keçirilən tədbirdə maraqlı sürprizlər təşkil olunub.
