Bu gün günortadan sonra Bakının Sabunçu rayonunun Naradaran kəndində etiraz aksiyası keçirilib.
Etiraz aksiyası dünən həbs edilmiş ilahiyyatçı Tale Bağırzadənin həbsinə etiraz səciyyəsi daşıyır. Kənd camaatı hesab edir ki, Bağırzadəni şərləyərək narkotik maddə saxlamaqda ittiham edirlər.
Qeyd edək ki, Daxili İşlər Nazirliyi ilahiyyatçı Taleh Bağırov və onun sürücüsünün həbsi ilə bağlı məlumat yayıb.
AZXEBER.COM-un nazirliyin saytına istinadən verdiyi məlumata görə, Sabunçu Rayon Polis İdarəsi əməkdaşlarının keçirdikləri əməliyyat-axtarış tədbirləri nəticəsində qəsəbə ərazisindəki "ABU Petrol" yanacaq doldurma məntəqəsinin yaxınlığında Bakı şəhər sakini Anar Məlikovdan 1 ədəd "Makarov" markalı tapança, 4 ədəd patron və 1 ədəd bıçaq, həmyerlisi Taleh Bağırovdan isə 1,026 qram heroin götürülüb.
Faktla bağlı araşdırma aparılır.
