ABŞ-nin paytaxtı Vaşinqtonda NATO-nun 75 illiyi ilə bağlı tədbir keçirilib.
AZXEBER.COM Qərb mətbuatına istinadən xəbər verir ki, tədbirdə ABŞ Prezidenti Co Bayden, NATO-nun baş katibi Yens Stoltenberq və Türkiyə Preizdenti Rəcəb Tayyib Ərdoğan iştirak edib.
Tədbirdə çıxış edən Bayden Ukraynaya əlavə hava hücumundan müdafiə dəstəyi vəd edib.
Baş katib Yens Stoltenberq də "Rusiyanın qalib gəlməsinə imkan verə bilmərik” deyib.
Stoltenberq bildirib ki, NATO tarixin ən uzun və ən uğurlu ittifaqıdır.
Stoltenberq Şimali Atlantika Müqaviləsinə böyük hörmətlə yanaşdığını və sülhün razılaşma sayəsində qorunduğunu vurğulayıb.
Ardınca Bayden Rusiya Prezidenti Vladimir Putinin Ukrayna ilə dayanmayacağını da bəyan edib.
Stoltenberq ABŞ prezident seçkilərinin nəticəsindən asılı olmayaraq Birləşmiş Ştatların güclü və möhkəm NATO müttəfiqi olaraq qalacağını gözlədiyini vurğulayıb.
Digər tərəfdən, o, NATO Sammiti Bəyannaməsinin yekun layihəsinin müttəfiqlərin Ukraynanı qəbul etsələr və şərtlər yerinə yetirildiyi təqdirdə alyansa qoşulmağa dəvət edə biləcəklərini təsdiqləyib.
Ukraynanın istədiyi 7 hava hücumundan müdafiə sisteminin hamısının veriləcəyi ilə bağlı suala Stoltenberq müsbət cavab verib.
Stoltenberq həmçinin Cənubi Koreya ilə NATO arasında əməkdaşlığın gücləndirilməsi ilə bağlı da suala cavab verərək Şimali Koreyanı Rusiyaya hərbi sursat verən mühüm ölkə adlandırıb.
Mikayıl
