NATO-nun Soyuq Müharibədən sonrakı ən böyük hərbi təlimi "Sarsılmaz Müdafiəçi 2024” başlayıb.
AZXEBER.COM xarici mediaya istinadən xəbər verir ki, 90 min əsgərin iştirak etdiyi təlim may ayının sonuna qədər davam edəcək.
NATO-dan verilən açıqlamada ABŞ-yə məxsus "USS Gunston Hall" gəmisinin Virciniya əyalətindəki Norfolkdan yola düşdüyü və bir sıra əməliyyatlardan sonra Atlantik okeanının o biri sahilinə çatacağı bildirilib.
31 NATO üzvü və namizəd ölkə İsveçdən təxminən 90 min əsgərin qatılacağı təlimin may ayının sonuna qədər davam edəcəyi açıqlanıb.
NATO-nun Soyuq Müharibədən sonrakı ən böyük təliminin Almaniya, Polşa və Baltikyanı ölkələrdə keçirilməsi və Rusiya ilə mümkün müharibə ssenarilərinin də yer alacağı gözlənilir.
NATO-nun Soyuq Müharibə dövründə sonuncu böyük təlimi 1988-ci ildə 125 min iştirakçı ilə keçirilən "REFORGER” təlimi olub.
Ayşən
