Ötən həftə saxlanıldığı həbsxanada dünyasını dəyişən rusiyalı müxalifət rəhbəri Aleksey Navalninin zəhərlənərək öldürüldüyü iddiası ortaya atılıb.
AZXEBER.COM xarici mediaya istinadən xəbər verir ki, Britaniya mediası Kremlə yaxın mənbələrə əsaslanaraq Navalninin zəhərlə öldürüldüyünü yazıb.
Mənbə bu zəhərdən həbsxanada verilən yeməklərdə istifadə olunduğunu iddia edib.
Navalnının Rusiya Federal Təhlükəsizlik Xidmətinin kəşfiyyat mərkəzi tərəfindən öldürüldüyü iddia edilib. Sosial şəbəkələrdə paylaşılan iddialarda "Navalni damar spazmı yaradan zəhərlə zəhərlənib. Bu zəhər son zamanlarda hazırlanıb və daha əvvəl Rusiya həbsxanalarında 5 məhbus üzərində sınaqdan keçirilib" deyilir.
Digər tərəfdən, dünən Brüsseldə keçirilən Avropa Birliyi Xarici İşlər Nazirləri Toplantısına qatılan Navalninin həyat yoldaşı Yuliya Navalnaya Rusiya rəsmilərinin ərini əsəb salan maddə ilə zəhərlədiyini bildirib. Navalnaya "Vladimir Putin həyat yoldaşım Aleksey Navalnini 3 illik işgəncədən sonra öldürdü” deyib.
Navalnaya bildirib ki, Rusiya hakimiyyəti sinir sistemini zədələyən "noviçok" kimi tanınan zəhərdən istifadə etmiş ola bilər.
Qadın "Mənim həyat yoldaşım qırılmaz idi. Ona görə də Putin onu öldürdü. Gözünün içinə baxmadan, hətta adını deməyə cəsarət etmədən biabırçı, qorxaq bir şəkildə öldürdü. İndi də eyni biabırçı və qorxaq yanaşma ilə meyitini gizlədin, anasına göstərməyin, geri qaytarmayın və acınacaqlı şəkildə öldürün". "Yalan deyirlər. Putinin noviçokunun izlərinin keçməsini gözləyirlər", -deyib.
Mikayıl
