Müğənni Nazənin Salayeva illər öncə başına gələn hadisədən danışıb.
AZXEBER.COM xəbər verir ki, o, ləğv olan konsertlərindən danışarkən göz yaşlarına hakim ola bilməyib.
"Rəngarəng" verilişində qonaq olan müğənni bu günə qədər konsert verməməsinin səbələrini belə izah edib:
"18 il bundan qabaq "Yaşıl teatr"da çox böyük bir konsertim olacaqdı. Bütün şəhərdə reklamlar yayımlanmışdı. Amma qismət olmadı, həmin günü qardaşımı itirdim və konsertlərim ləğv oldu. Bundan sonra da toy məclisimin olduğu günü anamı itirdim. Ev yiyəsinə yalvardım ki, gəlməyim, dedi yox, gəlməlisən! Ağlaya-ağlaya toya getdim. Allaha yalvarırdım ki, məndən "Ana muğamı"nı istəməsinlər. Gedib kənarda ağlayıb, sonra gəlib oxuyurdum. Heç vaxt ağlıma gəlməzdi ki, anamı, atamı, ard-arda dörd qardaşımı itirib yaşamağa davam edə bilərəm. Hətta iki qardaşım dənizdə boğulduğu üçün mənim dəniz fobiyam var. Dənizdən çox qorxuram, elə bilirəm hər an qardaşlarımın nəşi ordan çıxacaq. Bunlar dəhşətli şeylərdir".
Aysel
