"Hazırda ölkəmizdə kəskin dərman qıtlığı yoxdur. Dünyada baş verən konflikt və müharibələr nəticəsində enerji daşıyıcılarının qiymətləri qeyri-sabitdir. Ənənəvi logistik zəncirlərin qırılması dərman istehsalında istifadə olunan xammalın və nəqliyyat xərclərinin artmasına səbəb olub. Bunun nəticəsidir ki, bəzi dərmanlarda nisbətən qiymət artımı olub".
AZXEBER.COM xəbər verir ki, bu sözləri Səhiyyə naziri Teymur Musayev bu gün jurnalistlərə açıqlamasında bildirib.
O əlavə edib ki, ölkəmizdə vəziyyət nəzarət altındadır və lazım olan tədarüklər görülüb.
