Xəbər verdiyimiz kimi, səhiyyə naziri Teymur Musyevin əmri ilə yeni təyinatlar olub.
Belə ki, Orxan Rasim oğlu Cəfərov Respublika Psixiatriya Xəstəxanasının baş həkimi, Elşən Hümbət oğlu Mustafayev Respublika Narkoloji Mərkəzinin baş direktoru vəzifəsinə təyin olunub.
AZXEBER.COM xəbər verir ki, Orxan Cəfərov 2005-2011-ci illərdə Azərbaycan Tibb Universitetini bitirib. İxtisası həkim- psixiatırdır. O, 2011-2013-ci illərdə Respublika Psixiatriya Xəstəxanasında həkim,-psixiatr kimi fəaliyyət göstərib. 2020-ci ildə sabiq səhiyyə naziri Oqtay Şirəliyevin əmri ilə Respublika Narkoloji Mərkəzinə baş direktor təyin edilib.
Elşən Mustafayev isə ixtisasca psixiatr, psixoterapistdir.
O, 2005-ci ildə Azərbaycan Tibb Universitetində Psixiatriya təhsili alıb, 2006-cı ildə 1 saylı Respublika Psixiatriya xəstəxanasında – həkim psixiatr, 2007-ci ildən 1 saylı Respublika Psixiatriya Xəstəxanasında – şöbə müdiri, 2018-ci ildən Medical Plaza Klinikasında – həkim psixiatr kimi çalışmaqdadır.
