'Necə oldu Rüstəm İbrahimbəyov birdən-birə qatı müxalifətçiyə çevrildi?!' - Mais Səfərli
SİYASƏT
14:15 26.04.2013
2729
"Bu gün Azərbaycanda Milli Şuranın yaradılması üçün heç bir siyasi iqtisadi və psixoloji zəmin yoxdur. Milli şura o ölkələrdə yaranır ki, həmin dövlətlərdə hakimiyyət böhranı hökm sürür. Azərbaycan iqtidarı isə çox güclüdür və xalqın iradəsi ilə formalaşıb".Bu sözləri AZXEBER.COM-a açıqlamasında Yurddaş partiyasının sədri Mais Səfərli söyləyib.Onun sözlərinə görə Milli Şura ideasını ortaya atan Rüstəm İbrahimbəyov və Eldar Namazov cütlüyünün əsas məqsədi heçdə milli birliyə nail olmaq yox, bəzi dövlətlərin sifarişlərini icra etməkdir: "Necə oldu Rüstəm İbrahimbəyov birdən-birə qatı müxalifətçiyə çevrildi?! O bütün fəaliyyəti boyu Rusiya və digər böyük dövlətlərin sözçüsü rolunda çıxış edib. Görünür Azərbaycanın dünya miqyasında artan rolu Rüstəm İbrahimbəyovun və bu kimi şəxslərin emissarlıq etdiyi dövlətləri ciddi şəkildə narahat edir və onlar bu yolla ölkəmizə təziq göstərməyə çalışırlar. Milli Şura ideasının nəinki cəmiyyətdə, müxalifətin özündə də ciddi qəbul etmirlər".Qarşıdakı seçkilərin nəticəsinin bəribaşdan bəlli olduğunu deyən "Yurddaş" sədri əmindir ki,Azərbaycan xalqı bu dəfədə cənab prezident İlham Əliyevə etimad göstərəcək: "Təkcə yola saldığımız 2012-ci ildə Azərbaycan bir sıra ciddi beynəlxalq uğurlara imza atıb. Ölkəmizin BMT Təhlükəsizlik Şurasına qeyri-daimi üzvü olması, dünya səviyyəli siyasi , iqtisadi və mədəni tədbirlərin ölkəmizdə keçirilməsi cənab Prezident İlham Əliyevin rəhbərliyi ilə aparılan uğurlu, daxili və xarici siyasətin sayəsində mümkün olub. Bütün bunlar xalqın gözü qarşısında baş verib və Azərbaycan xalqı yenidən öz uğurlu gələcəyinə-İlham Əliyevə səs verəcək. Bu mənada müxtəlif təxribatçı qüvvələrin ölkədə aranı qatmaq cəhdləri nəticəsiz qalacaq".Fatimə İbrahimova
