“Neftçi” ciddi itki ilə üzləşə bilər.
“Ağ-qaralar” aparıcı futbolçularından biri Julius Vobayı itirmək təhlükəsi ilə üzləşib. Buna səbəb yarımmüdafiəçinin Rumıniyadan aldığı təklifdir.
Belə ki, “Universtatya” rəhbərliyi Vobayı transfer etməkdə maraqlıdır. 2011-ci ildə Syerra-Leone yığmasının futbolçusu ilə vidalaşan Krayova təmsilçisi 29 yaşlı orta sahə oyunçusunu geri qaytarmaqda israrlıdır.
Komandanın prezidenti Adrian Mititelu bildirib ki, Vobayı transfer edənədək sakitləşməyəcək: “Ümid edirəm ki, Vobayı qaytara biləcəyəm. Bu il olmasa da, gələn il Syerra-Leone yığmasının üzvünü komandamıza gətirəcəyik. Biz onu məcburiyyətdən, maliyyə problemlərimizin həlli üçün satmışdıq. İndi vəziyyət düzəlib. O, “Universtatya”da çıxış etdiyi illərdə komandamızın azarkeşləri tərəfindən ən çox sevilən futbolçu idi”.
Qeyd edək ki, Vobay 2011-ci ilin əvvəlində Rumıniyanı tərk etdikdən sonra yarım il Kiprin “Aris” klubunda oynayıb. Həmin ilin yayında Mirça Rednikin təşəbbüsü ilə “Xəzər Lənkəran”a keçən yarımmüdafiəçi, bu komandada Misirə yollandığı qısa fasilə nəzərə alınmamaqla 1 mövsüm keçirib. Ötən yaydan isə futbolçu “Neftçi”nin uğurları üçün tər tökür. Neftçi” ciddi itki ilə üzləşə bilər. “Qafqazinfo” Apasport.az saytına istinadən məlumatına görə, “ağ-qaralar” aparıcı futbolçularından biri Julius Vobayı itirmək təhlükəsi ilə üzləşib. Buna səbəb yarımmüdafiəçinin Rumıniyadan aldığı təklifdir. //apasport
