Topaz Premyer Liqasının XIV turunda "Neftçi" AZAL-ı qəbul edir.
Futbol11.az xəbər verir ki, "Dalğa Arena"da keçirilən qarşılaşmada "Neftçi" fanatları komandalarını dəstəksiz qoymayblar.
Belə ki, 7-ci sektorda bir araya gələn "ağ-qaralar"ın azarkeşləri komandalarını dəstəkləməklə yanaşı, Xəzər dənizində itkin düşən neftçiləri də yad ediblər. Onlar "Neftçilər ölməsin, Xəzər morqa dönməsin" şüarını səsləndiriblər.
Qeyd edək ki, dekabrın 15-də güclü külək "Azneft" İB-nin N.Nərimanov adına Neft Qaz Çıxarma İdarəsinin 3 saylı Neft Yığım Məntəqəsinin sağ və sol hissəsində yerləşən estakadanın dənizə uçurub.
Hadisə nəticəsində Neft Yığım Məntəqəsinin növbədə olan 5 nəfər və yaşayış budkasında olan 5 nəfər (cəmi 10 nəfər) əməkdaşı itkin düşüb. Onlardan hələlik yalnız bir nəfərin cəsədi tapılıb.
