İsrailin Baş naziri Benyamin Netanyahu İranda hakimiyyət dəyişikliyinə ümid etdiyini bildirib.
AZXEBER.COM "The Times of Israel" nəşrinə istinadən xəbər verir ki, bu barədə o, Nazirlər Kabinetinin iclası zamanı deyib.
Onun sözlərinə görə, hakimiyyət dəyişikliyindən sonra yəhudi dövləti və İslam Respublikası tərəfdaş ola bilərlər:
"Biz İranın qəhrəman və cəsur vətəndaşlarına dəstəyimizi ifadə edirik və rejimin süqutundan sonra hər iki xalqın rifahı naminə birlikdə xeyirli işlər görəcəyik. Hamımız ümid edirik ki, fars xalqı tezliklə tiraniya boyunduruğundan azad olacaq, Və həmin gün gəldikdə, İsrail və İran yenidən firavan və dinc gələcək qurulmasında sadiq tərəfdaşlar olacaqlar".
