Nigeriyada ilin ilk rübündə baş verən hücumlar və şiddətli hadisələr 2583 nəfərin həyatına son qoyub.
AZXEBER.COM xarici mətbuata istinadən xəbər verir ki, Nigeriyada təkcə ilin birinci rübündə zorakılıqlar nəticəsində 2583 nəfər ölüb.
Ölkədə fəaliyyət göstərən təhlükəsizlik risklərinin idarə edilməsi və kəşfiyyat konsaltinq şirkəti Beacon Consulting tərəfindən dərc edilən hesabata görə, ölkənin müxtəlif yerlərində, əsasən də, çoban-fermer qarşıdurması, terrorçular və silahlı dəstə üzvlərinin hücumları baş verib.
Hadisələrdə 2 min 583 adam həyatını itirib, 2 min 164 adam qaçırılıb.
Ölkədə adam oğurluğuna görə cəza ölüm olsa da, fidyə müqabilində adam oğurluğu hallarına rast gəlinir.
Silahlı insanlar ümumiyyətlə ölkənin şimalındakı kəndləri, məktəbləri və səyahətçiləri hədəf alır və yüksək məbləğdə fidyə tələb edirlər.
Mikayıl
