Nigeriyada heyvanlardan insanlara keçən və ölümlə nəticələnə bilən Lassa qızdırması səbəbindən 4 ayda 156 nəfər ölüb.
AZXEBER.COM xarici mətbuata istinadən xəbər verir ki, Nigeriya Xəstəliklərə Nəzarət Mərkəzi (NCDC) tərəfindən edilən açıqlamada, 1 yanvar - 28 aprel tarixləri arasında Lassa qızdırması epidemiyasının paytaxt Abuca ilə yanaşı 28 ştata da yayıldığı bildirilib.
Açıqlamada qeyd olunub ki, bu müddət ərzində 857 Lassa qızdırması aşkarlanıb, epidemiya səbəbindən 156 nəfər ölüb.
Ötən il ölkədə 1170 Lassa qızdırması aşkarlanıb, 219 nəfər ölüb.
Xəstəlik siçan nəcisi ilə təmas yolu ilə ötürülür.
Nigeriya hökuməti 2023-cü ilin fevralında Lassa qızdırmasının yayılması ilə əlaqədar "fövqəladə vəziyyət" elan edib.
Lassa qızdırması ilk dəfə Nigeriyada 1969-cu ildə ölkənin şimal-şərqindəki Borno əyalətində yaranıb.
Mikayıl
