Hər ilin sentyabr ayı qeyd olunan "Beynəlxalq Sahilyanı Təmizlik Günü”ndə çimərlik sahillərinin təmizlənməsi təşəbbüsü artıq illərdir ki, Avropa İttifaqı Nümayəndəliyi tərəfindən dəstəklənir. Bu il təmizlik aksiyasında Avropa İttifaqına üzv dövlətlərin səfirliklərinin, Avropa Yenidənqurma və İnkişaf Bankının, Ekologiya və Təbii Sərvətlər Nazirliyinin əməkdaşları və ictimaiyyət nümayəndələrindən ibarət 200-dək könüllü iştirak edib.
Dövlət Statistika Komitəsinin məlumatına əsasən
2017-ci ildə Azərbaycanda 7 milyon kubmetr həcmində məişət tullantısı əmələ gəlib.Orta
hesabla hər bir azərbaycanlı vətəndaş ilə 90 kq məişət tullantısı atır. Bu
tullantıların bir hissəsi küçələrin, parkların o cümlədən Xəzərsahili ərazilərin
payına düşür.
Çimərlikdə öz aktivliyi ilə xüsusilə Böyük Britaniya və Şimali İrlandiya Birləşmiş
Krallığının Azərbaycandakı səfiri xanım Karol Krofts seçilirdi. Səfir Krofts sahildə
qumun dərinliyinə hopmuş plastik paketləri çıxardaraq könüllülərə gözəl nümunə
vermiş oldu.
"Mənim insanlara mesajim budur ki, hər bir şəxsin bu məsələdə öz iştirakı, rolu var. Hər birimiz plastik istifadəni azalda bilərik, məsələn, yenidən istifadə üçün su butilkaları alıb hər dəfə su doldurub içə bilərik. Hal-hazırda Londonda hava limanına getseniz sudoldurma məntəqələrini görə bilərsiniz. Bu çox möhtəşəm layihədir və gələcək nəsillər üçün çox önəmlidir. Mən ümid edirəm ki, hər bir şəxs ilhamlanaraq öz töhfəsini verəcəkdir. Təşəkkür edirəm”
Mən şəxsən tulantıların azadılması ideyasına özümü həsr edirəm. Cənab Devid Attenburqun "Mavi Planet 2” (təbiət və okeanaltı aləm haqqında sənədli film) filmini əsas götürərək nəhəng plastik istehsalımızla bütün təbiətə və ayrılıqda okeanlara nə qədər zərər vurduğumuzun şahidi ola bilərik.
2016-ci il ərzində hər saniyə 20 min plastik butilkalar tək istifadə üçün istehsal olunmuşdur. Onların çürüməsi 450 il çəkir və dünyada indiyədək istehsal olunan demək olar ki, böyük hissə plastik hələ də mövcudluğunu yaşayır. Biz yerindən asılı olmayaraq plastik tullantıları azaltmaq, yenidən istifadəyə vermək üçün bir tədbir görməliyik. Britaniya Höküməti, Xarici İşlər və Birlik İşləri üzrə Nazirliyin bu ilin sonunadək Londonda , gələn il üçün isə xarici ölkələrdəki nümayəndəliyində şəxsi plastik istifadəni azaltmaq üçün xüsusi təşəbbüs irəli sürmüşdür. Mən də öz növbəmdə həmfikirlərim və Azərbaycan dövləti ilə tullantı barədə maariflənmədə dəstək olmağa çalışıram”– deyə xanım Krofts aksiyaya fikir bildirdi.
Qeyd edək ki, ərazidə bir dənə olsun zibil qutusu yox mövcüd deyildi. Təmizlik işi aparılan çimərlik sahəsnin bir hissəsi fərdi sahibkara məxsus olsa da digər hissəsi ictimai ərazi idi. Təmizlik aksiyası zamanı heç bir yardımçı alətlərdən istifadə olunmamışdır.
