"Bu şəkilləri yayanlar bizi və bizim möhtəşəm layihəni gözügötürməyən şəxslərdir".
Bu sözləri AZXEBER.COM-a açıqlamasında layihəsinin rəhbəri Elmir İsmayılov deyib.
Onun sözlərinə görə, ötən gün bəzi saytlarda yayımlanan castinq fotoları bilərəkdən layihəni nüfuzdan salmaq üçün paylaşılıb: "Bu bizim ikinci castinq-imizdir. Bundan öncə və dünən 100-ə yaxın xanım müsabiqədə iştirak etmək üçün seçim turlarına qatılıb. Maraqlıdır ki, bu qədər xanım içindən cəmi 3 qızın fotosunu paylaşıblar və yazıblar ki, bu qızlar Azərbaycan gözəli oldu. Bu necə ola bilər axı? Hələ heç bizim əsas mərhələ başlamayıb.
Elmir İsmayılov deyib ki, insanları xarici görünüşünə görə təhqir etmək düzgün deyil: "O qızlar da Azərbaycan vətəndaşlarıdır. Heç kimin ixtiyarı yoxdur ki, xarici görünüşlərinə görə onları təhqir etsin. İnsan gərək nəsə yazanda ilk olaraq düşünsün. Yoxsa belə hər işə kölgə salmaq, qara pr aparmaq ən azından etik deyil"
Təşkilatçı bildirib ki, yarışmanın münsif heyətində Azərbaycanın tanınmış modelyerləri- Afaq İsmayılzadə, Fəxriyyə Xələfova, Gülnarə Xəlilova, modelyer-Nəsir Babayev, Fuad Hacıyev, əməkdar artist Tünzalə Ağayeva, aktyor-aparıcı- Şəhriyar Əbilov, rəqqasə-aktrisa Oksana Rəsulova iştirak edib.
Qeyd edək ki, bu layihə Azərbaycanda ilk dəfə olaraq keçirilir və yarışmanın yarı final-final mərhələsində türkiyənin tanınmış modelyerləri Tolqa Çam və Serdar Uzuntaş, eləcə də məhşur ifaçıları- Petek Dinçöz, Merve Özbey, Sinan Akçıl ve digərlərinin iştirakı gözlənilir.
Layihənin informasiya dəstəkçisi AZXEBER.COM xəbər portalıdır.
