Oktyabrdan başlayaraq, Böyük Britainyada sutkanın istənilən vaxtında evlənmək və vətəndaş nikahına girmək mümkün olacaq.
ANS PRESS-in BBC-yə istinadən verdiyi məlumata görə, krallıq hökuməti nikahlarla bağlı 1836-cı ildə qəbul edilmiş qanunda islahatlar aparıb. Həmin qanunda gizli nikahların qarşısını almaq üçün gecə evliliklərinə qadağa qoyulmuşdu.
Qanundakı dəyişikliklərdən sonra vətəndaşlıq qurumları bütün sutka ərzində arzulayanları evləndirməli olacaqlar. Lakin dini təşkilatlar hələlik köhnənə rejimdə - səhər saat 8.00-dan axşam saat 18.00-adək kəbin kəsəcəklər.
Britaniya toyların təşkili Alyansı qanundakı dəyişiklikləri alqışlayıb. Alyans hesab edir ki, bu dəyişikliklər sayəsində gənclər üçün evliliklərini planlaşdırmaq daha da asanlaşacaq.
