Elvin İsayev Trabzonda keçirilən Avropa Olimpiya təsnifat turnirində mübarizəni dayandırıb. Azərbaycan Boks Federasiyasının mətbuat xidmətindən AZXEBER.COM-a verilən məlumata görə, milli komandamızın üzvü ötən il Ankarada keçirilən Avropa çempionatında olduğu kimi yenə də Türkiyə idmançısı Fatih Keleşə uduzub.İlk raunddan sonra hakimlər hər iki boksçuya eyni xal veriblər – 5:5. İkinci hissədə Keleşin 2 xal fərqlə önə keçməsi döyüşün taleyini həll edib. Nəticədə qarşılaşma yerli idmançının 18:16 hesablı qələbəsi ilə yekunlaşıb.Xatırladaq ki, həmyerlimiz ilk görüşdə rumıniyalı Aleksandru Çuçerianuya qalib gəlmişdi. Bakı vaxtı ilə saat 21-dən sonra daha iki həmyerlimiz rinqə çıxacaq. Salman Əlizadə (49 kq) Həmzə Toubayla (Almaniya), Məhəmməd Abdulhəmidov (56 kq) isə macarıstanlı Kristian Naqi ilə döyüşəcək.
