Xalq artisti Rasim Balayevin ötən gün səhhətinin pisləşdiyi xəbəri yayılmışdı.
AZXEBER.COM-un məlumatına görə, aktyor "Elgizlə izlə" verilişinə telefonla bağlanaraq, sualları cavablandırıb. O bildirib ki, özünü yaxşı hiss edir:
"Zəng edib dedilər ki, müsahibə almaq istəyirik. Cavab verdim ki, filmə çəkilmirəm nə soruşacaqsınız? Həm də indi müalicə alıram, sonra danışarıq. Yaz-payız intensiv olaraq fizioterapiya müalicəsi alıram. Başqa söz dedim, onlar tam başqa şey yazıblar. Guya demişəm ki, ayaqlarım tutulub, su yığılıb. Allaha and olsun ki, mən elə söz deməmişəm. Xəbəri ilk vermək üçün insanı öldürərlər. Onları məhkəməyə də verə bilərəm, amma öz vicdanlarına buraxıram. Bunların ali məqsədi odur ki, oxunaqlı olsunlar. Onun üçün də ağızlarına gələni yazırlar".
