“Orxan Zeynalov kimi səfilə, "bomj"a görə, çoxlu azərbaycanlı işsiz qaldı. Rusiyada yaşayan azərbaycanlılar Orxan Zeynalov dəstəkləmirlər”.
Bu barədə Moskvadakı “AzerRos” təşkilatı Ağsaqallar Şurasının sədri Abbas Abbasov “Dojd” telekanalına müsahibəsində bildirib. O, şəxsən öz adından və Rusiyada yaşayan azərbaycanlılar adından öldürülən rus vətəndaşının ailəsinə başsağlığı verib. A.Abbasovun sözlərinə görə, Moskvada baş verən hadisə bir daha dövlət idarələrinin effektiv işi barədə müzakirələri gündəmə gətirib. “Burda sistem işləmir. Orxan Zeynalov Rusiyaya göydən zənbillə düşməyib ki? Gömrük və Miqrasiya xidməti hara baxırmış?”-deyə A.Abbasov bildirib. O həmçinin vurğulayıb ki, hazırda rəhbərlik etdiyi təşkilat Rusiyada gərginliyin qarşısını almağa çalışır. “Mən bütün reginlara zəng vurmuşam. Azərbaycanlılardan xahiş edirik özlərini təmkinli aparsınlar və restoranlara getməsinlər”.
