Silahlıların lideri bütün silahdaşları azad edilməyənə qədər qızların buraxılmayacağını bildirib
Nigeriyada silahlılar tərəfindən oğurlanmış 100 qızın yeni videosu yayılıb.
AZXEBER.COM Türkiyə mətbuatına istinadən xəbər verir ki, videogörüntüləri internetə "Boko Haram" silahlılar qrupunun lideri Abubəkir Şekay yayıb və o, qızların görüntüləri ilə bərabər danışıqlara hazır olduğunu bildirib.
Abubəkir saxlanılmış bütün silahdaşları azad edilməyənə qədər qızların buraxılmayacağını bildirib. Onun sözlərinə görə, əsir götürdükləri qızlar dinlərini dəyişərək müsəlman olublar. Bu gün paylaşılan videoda qızların Qurandan ayələr oxuyurlar.
Xatırladaq ki, "Boko Haram" silahlı qrupu 14 aprelin Nigeriyada 200-dən çox qızı oğurlayıb.
