Pakistan və Əfqanıstanın, Associated Press (AP) agentliyinin məlumatına görə, China vasitəçiliyi ilə davamlı atəşkəsin təmin olunması məqsədilə danışıqlara başladığı iddia olunur.
AZXEBER.COM xarici mətbuata istinadən xəbər verir ki, anonim qalmaq istəyən rəsmilər bildiriblər ki, bir aydan çox davam edən münaqişəyə son qoymaq məqsədilə hər iki ölkənin nümayəndələri Urumçi şəhərində görüş keçiriblər.
Rəsmi Çin tərəfi məsələ ilə bağlı hələlik açıqlama verməyib. Eyni zamanda, Pakistan Xarici İşlər Nazirliyi də AP-nin yaydığı məlumatı şərh etməyib.
İki pakistanlı rəsmi CNN-ə açıqlamasında qeyd edib ki, Pakistanın xarici işlər naziri Məhəmməd İshaq Dar Çinə səfəri zamanı Pekinin vasitəçi kimi çıxış etməsi ehtimalını müzakirə edib.
Mənbələrin sözlərinə görə, Pakistan prezidenti Asif Əli Zərdari də İslamabadda yerləşən Çin səfirliyində regional vəziyyətlə bağlı görüşlər keçirib.
Pakistan Xarici İşlər Nazirliyinin sözçüsü isə məsələ ilə bağlı sualları cavablandırmaqdan imtina edərək danışıqları "çox həssas” adlandırıb.
Digər tərəfdən, Kabildə fəaliyyət göstərən Tolo News-a danışan mənbələr Əfqanıstandan beş nəfərlik nümayəndə heyətinin Pakistanla danışıqlar aparmaq üçün Çinə səfər edəcəyini bildiriblər.
Qeyd olunur ki, nümayəndə heyətinə Əfqanıstanın Xarici İşlər, Daxili İşlər və Müdafiə nazirliklərinin, həmçinin Baş Kəşfiyyat İdarəsinin nümayəndələri daxildir.
Gülay
