Pakistanda hakimlərə göndərilən təhdid məktublarında şübhəli formada 10 faiz arsen aşkar edilib.
AZXEBER.COM xarici mətbuata istinadən xəbər verir ki, "Geo News" televiziyasının məlumatına görə, 4 Konstitusiya Məhkəməsi, 8 İslamabad Ali Məhkəməsi və 6 Lahor Ali Məhkəməsi hakiminə göndərilən təhdid məktublarındakı şübhəli tozların məhkəmə ekspertizası laboratoriyasında araşdırılması tamamlanıb.
Səlahiyyətlilər söz mövzusu tozda yüzdə 10 arsenin təsbit edildiyini açıqlayıb.
Araşdırmalar çərçivəsində məktubların poçtla göndərildiyi rayonlardakı kamera qeydləri araşdırılır.
Təhdid məktubları alanlar arasında Konstitusiya Məhkəməsinin sədri də var.
Pakistan Ali Məhkəməsinin hakimləri bildiriblər ki, Xidmətlərarası Kəşfiyyat (ISI) onları keçmiş baş nazir İmran Xanla bağlı işlərin nəticələrini dəyişdirməklə hədələyib.
Məsələ mətbuatda dərc olunduqdan sonra bəzi yüksək məhkəmə hakimlərinə tərkibində şübhəli toz olan təhdid məktubları göndərilib. Məktublardakı şübhəli toz maddəsi ekspertiza üçün dünən məhkəmə-tibb laboratoriyasına aparılıb.
Mikayıl
