Hindistan və Pakistanda təsirini göstərən güclü musson yağışları faciəli nəticələrə yol açıb.
AZXEBER.COM xəbər verir ki, Pakistanda 26 iyundan bəri davam edən leysan yağışları səbəbindən yaranan daşqın və torpaq sürüşmələri nəticəsində ölənlərin sayı 800-ə çatıb.
Hindistanda isə güclü yağışlar çayların və bəndlərin daşmasına səbəb olub. Ölkənin bənd qapılarını açması nəticəsində Sutlec və Ravi çaylarında suyun səviyyəsi yüksəlib. Nəticədə Pakistanda alçaq ərazilərdə yaşayan təxminən 150 min nəfər təhlükəsiz bölgələrə təxliyə edilib.
Pakistanın Milli Fəlakətlərin İdarə Olunması Agentliyi (NDMA) çayların daşdığını təsdiqləyib və ətraf bölgələrdə qəfil daşqın riskinə qarşı əhaliyə xəbərdarlıq edib.
Agentliyin açıqlamasında, 10 sentyabradək davam edə biləcək yeni güclü yağışlarla bağlı da xəbərdarlıq edilib.
Oksana
