NASA-nın "Parker" Günəş zondu 2024-cü ilin dekabrında Günəşin səthinə 6,1 milyon kilometr yaxınlaşaraq müəyyən etdiyi rekordu bir daha yeniləyib.
AZXEBER.COM xarici mediaya istinadən xəbər verir ki, bu barədə NASA açıqlama yayıb.
Bu məsafə insan tərəfindən yaradılan bir cismin Günəşə çatdığı ən yaxın məsafədir. Zond saatda təqribən 192 kilometr sürətlə hərəkət edərək süni obyektin əldə etdiyi ən yüksək sürətə çatıb.
Hər iki rekord ilk dəfə 24 dekabr 2024-cü ildə Parker tərəfindən qırılıb. Bu uğur 22 mart 2025-ci ildə təkrarlanıb və zond növbəti dəfə təxminən 8,3 milyon kilometr dərinliyə qədər uzanan Günəş atmosferinə daxil olub.
Parkerə bu cəsarətli missiyanı uğurla başa vurmağa imkan verən əsas element həddindən artıq temperaturlara tab gətirə bilən xüsusi istilik qalxanı olub. Günəşin atmosferi onun səthindən milyonlarla dərəcə isti olduğundan, zondun bu temperaturlara tab gətirə bilməsi böyük mühəndislik nailiyyəti hesab olunur.
Nasanın açıqlamasında bildirilib:
"Kosmik gəmi 25 mart çərşənbə axşamı günü Cons Hopkins Tətbiqi Fizika Laboratoriyasında Missiya İdarəsi ilə əlaqə saxladı. Göndərilən siqnallar zondun yaxşı vəziyyətdə olduğunu və sistemlərinin normal işlədiyini göstərirdi".
Parker Günəş Zondunun baş araşdırmaçısı Castin Kasper deyib:
"Bir anda yanacağımız tükənəcək və günəşin radiasiya təzyiqinə görə daha orbitimizi saxlaya bilməyəcəyik. Bu zaman zond günəş tərəfindən çəkiləcək və onun arxa səthi saniyələr ərzində yanacaq. Lakin zondun karbon istilik qoruyucusu və bəzi hissələri həddindən artıq istilərə tab gətirə biləcək. Ərimiş kütlə qalacaq və bu kütlə Günəş ətrafında təxminən bir milyard il dövr edəcək".
Qeyd edək ki, alimlər Parkerin hara qədər davam edəcəyini yaxından izləyəcəklərini bildiriblər.
Oksana
