"Azərbaycanın müasir, demokratik dövlət kimi inkişafında parlamentin önəmli rolu var. Bu baxımdan, yeni formalaşacaq parlament Azərbaycanın daha da güclənməsinə xidmət edəcək”.
Bu fikirləri secki-2020.az saytına açıqlamasında Azxeber.com saytının baş redaktoru Hacıbəy Heydərli deyib.
O bildirib ki, parlament seçkilərində gənc, intellektual, çevik, hadisələri daha operativ və obyektiv qiymətləndirən gənclərin namizədliklərini irəli sürməsi çox müsbət addımdır.
Baş redaktor deyib: "Bu, yeni mərhələnin başlanğıcıdır. İnanıram ki, yeniləşən parlamentdə gənc deputatların sayı daha da çox olacaq və onların ideyaları, fikirləri cəmiyyət tərəfindən müsbət qarşılanacaq”.
