Seçkilərdə seçicilərin 61 faihi iştirak edib. MSK sədri Zurab Xaratişvili bildirib ki, 10 seçki dairəsinin protokolları artıq Tiflisdədir. Seçkilərin nəticələrinin Bakı vaxtı ilə saat 05.00-dan sonra elan ediləcəyi gözlənilir.MSK sədri deyib ki, Acariyadan protoklların daxil olması 3-4 saat ləngiyə bilər. Çünki orada parlament seçkiləri ilə yanaşı muxtar respublikaının Ali Məclisinə də seçkilər keçirilib.Xatırladaq ki Edison Research şirkətinin keçirdiyi exit-poll-un nəticələrinə görə, milyarder Bidzina İvanişvilinin rəhbərlik etdiyi “Gürcü arzusu” koalisiyası proporsional siyahı ilə seçkilərdə liderdir.Bidzina İvanişvili bəyan edib ki, onun başçılıq etdiyi koalisiya parlamentdə azı 100 yerə ümid edir. Ümumilikdə parlamentdə 150 deputat (77 nəfər proporsional, 73 nəfər majoritar sistemlə) seçiləcək.Gürcüstanın seçki qanunvericiliyinə görə, seçicilərin 1/3-nin iştirak etdiyi seçkilər baş tutmuş hesab edilir. Gürcüstanda 3 milyon 613 min 851 seçici qeydiyyatdadır.MSK parlament seçkilərinin yekun nəticələrini oktyabrın 20-dək elan edəcək.