"Location” klubunda yanğınla nəticələnən partlayışda xəsarət alanların arasında daha bir tanınmış müğğəni Nicat Məərrəmov da olub.
AZXEBER.COM xəbər verir ki, bu barədə müğənni sosial şəbəkə hesabında bildirib. Müğənni Nicat Məhərrəmov baş verən partlayış nəticəsində xəstəxanalıq olduğunu qeyd edib:
"Baş verən partlayış sadəcə bir kabus idi. İnsanların çarəsizliyi, o partlayışın səsi ümumilikdə yaşanan bu faciə heç bir zaman gözümdən və ağlımdan getməyəcək. Bütün yaralı olan dostlarıma Allahdan acil şəfalar diləyirəm və məni yığıb soruşan, axtaran, arxamca xəstəxanaya qədər gəlib yanımda olan doğmalarıma, dostlarıma, əzizlərimə, hər birinizə təşəkkür edirəm. Allah sizi sevdiklərinizə bağışlasın”.
Qeyd edək ki, aprelin 3-də baş vermiş hadisə nəticəsində 1 nəfər həyatını itirib (gecə klubunun əməkdaşı, 1979-cu il təvəllüdlü Maya Axundova), 37 nəfər müxtəlif dərəcəli bədən xəsarətləri alıb. Həmçinin 14 avtomobil, 1 mənzil və 2 qeyri-yaşayış obyektinə də ziyan dəyib.
