Ermənistan baş naziri Nikol Paşinyan Rusiyanı regional kommunikasiyaların açılması prosesinə əngəl yaratmaqda ittiham edib.
AZXEBER.COM xəbər verir ki, Vaşinqtonda erməni jurnalistlərlə söhbətində Paşinyan bildirib ki, hazırda əldə olunan razılaşma formulu əvvəllər Ermənistan tərəfindən Rusiyaya təklif edilib.
Onun sözlərinə görə, üçtərəfli işçi qrupu çərçivəsində İrəvan bu məntiq əsasında işləməyə hazır olsa da, prosesə süni maneələr yaradılıb.
Baş nazir vurğulayıb ki, Moskva danışıqları Ermənistanın suverenliyini, ərazi bütövlüyünü və yurisdiksiyasını zəiflədə biləcək istiqamətə yönəltməyə çalışıb.
"Fərq ondadır ki, indi razılaşma mətni daha açıq şəkildə ifadə olunub", - deyə Paşinyan qeyd edib.
///Oxu.az
