Peyvənd olunanlar niyə maska taxmalıdır?

SAĞLAMLIQ
22:06 10.08.2021
1356
"Son bir aydır yoluxma diaqnozu qoyulanların sayı 10 dəfə artıb. Yoluxma sayı 2 faizdən 13 faizədək yüksəlib”.

AZXEBER.COM "Oxu.az"a istinadən xəbər verir ki, bunu Real TV-yə müsahibəsində Ümumdünya Səhiyyə Təşkilatının Azərbaycandakı nümayəndəsi Hande Harmancı deyib.

O qeyd edib ki, bu, əhali arasında xəstələrin sayının artdığını göstərir:

"Bilirik ki, Azərbaycanda "Delta” ştammı var. Yoluxma sayı da artır. Tədbir görməsək, sentyabrda rəqəmlər çox yüksək ola bilər”.

O, əlavə olaraq qeyd edib ki, pandemiya şəraitində 1,5 il keçib, insanlar yorulub: "Maska taxmaq asan şey deyil. Bunun fərqindəyik".

H.Harmancı bildirib ki, açıq məkanlarda maskasız gəzməyə icazə veriləndə insanlar düşünmüş ola bilərlər ki, artıq ümumiyyətlə, maskaya ehtiyac yoxdur:

"Elə deyil. Azərbaycanda peyvənd olunanların sayı çox artdı. Əhalinin təxminən 25 faizi iki doz vaksinasiyadan keçib. Beş milyondan çox insan isə ən az bir doza peyvənd qəbul edib. Peyvəndlər bizi ağır xəstəlikdən, xəstəxanalıq olmaqdan və ölümdən qoruyur.

Əgər virus bizim orqanizmimizə daxil olubsa, bunu başqalarına ötürməyimizin qarşısını almır. Yəni mən xəstələnmədən peyvənd olunmuş ola bilərəm.

Bilirsiniz ki, peyvəndlər 100 faiz qorumur. Virus mənə keçibsə, onu özüm xəstələnmədən başqalarına ötürə bilərəm. Bu, o deməkdir ki, peyvənd olunsam da, maska taxmağa məcburam”.

OXŞAR XƏBƏRLƏR