Almaniya müdafiə naziri Boris Pistorius Rusiya və Ukrayna arasında sülhün yaxın gələcəkdə əldə edilməsinin mümkünlüyünə şübhə edib.
O, bu barədə Brüsseldə Ukrayna Müdafiəsi üzrə Əlaqə Qrupunun ("Ramştayn" formatı) iclasının yekunlarına dair açıqlama verib.
B.Pistorius qeyd edib ki, Rusiyanın Ukraynaya qarşı müharibəsinin davam etdiyi şəraitdə tərəfdaşlar Kiyevə hərbi dəstək göstərməyə davam edəcəklər: "Müxtəlif növ hərbi yardım göstərəcəyik. Biz Ukraynanı rabitə, pilotsuz uçuş aparatlarına qarşı mübarizə vasitələri, naviqasiya, kəşfiyyat və dinləmə sistemləri ilə təmin etmək istəyirik".
Nazirin sözlərinə görə, 2029-cu ilə qədər Berlinin daha əvvəl vəd etdiklərinə əlavə olaraq Almaniyanın Ukraynaya 11 milyard avrodan çox vəsait ayıracağı gözlənilir: "Almaniya zəmanət verir ki, Ukrayna gələcəkdə də bizim birgə hərbi dəstəyimizdən faydalanacaq".
