“Piyada təhlükəsizliyi şəhərlərin əsas prioritetlərindən biri olmalıdır”

AZXEBER.COM xəbər verir ki, bu sözləri nəqliyyat eksperti Ərşad Hüseynov "Jurnalistika və İnkişaf Mərkəzi" və "Müstəqil nəqliyyatçılar" məsləhət və informasiya İctimai birliklərinin təşkil etdiyi "Yol hərəkəti təhlükəsizliyi: hüquq və vəzifələr” və "Müasir şəhərsalmada piyada təhlükəsizliyi” adlı ictimai müzakirələr zamanı deyib. 

 O qeyd edib ki, şəhərlərdə daxili təhlükəsizlik və insanların rahat hərəkəti təmin olunduğu zaman həmin ərazilərdə yaşayış keyfiyyəti də artır.

O vurğulayıb ki, son 30 ilin statistikasına əsasən, yol-nəqliyyat hadisələrinin 50 faizdən çoxunun piyadaların vurulması ilə bağlı olduğu bildirib. Bu isə piyada təhlükəsizliyi məsələsinin nə qədər vacib olduğunu göstərir. Piyada qəzalarının çoxu isə ölümlə nəticələnir.