Bakıda seperatçıların keçirilən məhkəməsində Azərbaycana qarşı aparılmış təcavüzkar müharibənin gedişində törədilmiş bir sıra konkret cinayət faktları sadalanıb.
AZXEBER.COM-un məlumatına görə, bunlar arasında general-mayor Polad Həşimovgilin şəhid olduğu fakt da yer alıb.
Onlara konkret hansı istiqamətdən atəş açıldığı bəlli olub.
Qeyd olunub ki, 2020-ci il iyulun 14-də Ermənistanın Tavuş vilayəti Berd rayonu Movses kəndi ərazisində yerləşən mövqelərdən və ələ keçirilmiş "Ara postu” adlanan döyüş mövqeyindən iriçaplı artilleriyadan Müdafiə Nazirliyinin Tovuz rayonunun Ağdam kəndində yerləşən "N” saylı hərbi hissəsinin müvafiq döyüş postunun yaxınlığında qurulmuş sığınacaq istiqamətində atəşlər açılıb, atılmış mərminin sığınacağa düşərək partlaması nəticəsində general-mayor Həşimov Polad İsrayıl oğlu, polkovnik Mirzəyev İlqar Anzor oğlu, mayor Əhmədov Namiq Hajan oğlu, mayor Novruzov Anar Gülverdi oğlu və gizir Babayev Yaşar Vasif oğlu qəsdən öldürülüb.
Qeyd edək ki, Polad Həşimova və İlqar Mirzəyevə ölümündən sonra "Azərbaycanın Milli Qəhrəmanı” adı verilib.
