Polşa Belarusla sərhədə əlavə 1000 əsgər yerləşdirməyi planlaşdırır.
Bunu daxili işlər nazirinin müavini Maçey Vonsik mətbuat konfransında deyib.
Polşa Sərhəd Mühafizəsi Xidmətinin komendantı Tomaş Praqanın sözlərinə görə, sərhəddə qeyri-qanuni miqrantların yeni dalğası və hibrid müharibənin yeni mərhələsi müşahidə olunur və bu səbəbdən Polşa hökuməti Belarusla sərhədə əlavə 1000 hərbçi yerləşdirmək niyyətindədir.
Komendant onu da əlavə edib ki, bu ilin əvvəlindən Polşa-Belarus sərhədini qanunsuz keçməyə 19 min dəfə cəhd edilib, lakin ötən il bu cəhdlərin sayı 16 minə yaxın olub.
