Tbilisidə Polşa Sərhəd Xidmətinin əməkdaşları hücuma məruz qalıblar.
Hadisə ötən gün bir qrup şəxsin ekstradisiya proseduru zamanı baş verib.
Hücum edən şəxslər metal əşyalar və bıçaqla sərhədçilərə ağır xəsarətlər yetiriblər. Ağır baş travmaları alan iki ximdət əməkdaşı xəstəxanaya yerləşdirilib, biri əməliyyat olunub.
Gürcüstanın Daxili İşlər Nazirliyindən bildirilib ki, faktla bağlı 2 nəfər saxlanılıb. Onlardan biri əvvəllər müxtəlif ağır cinayət əməllərinə görə məhkum edilib.
İstintaqla müəyyən edilib ki, təqsirləndirilən şəxslər qarşılıqlı mübahisə zəminində Tbilisidə yerləşən restoranın yaxınlığında 3 Polşa vətəndaşına müxtəlif dərəcəli bədən xəsarətləri yetiriblər.
Faktla bağlı istintaq tədbiləri davam etdirilir.
Polşa mediasının məlumatına əsasən, xidmət əməkdaşları deportasiya edilmiş Gürcüstan vətəndaşlarının vətənə qaytarılması əməliyyatı çərçivəsində Tbilisidə olublar.
apa
