Portuqaliya millisinin və İspaniya "Atletiko”sunun futbolçusu Joau Feliksin İngiltərə klubu "Çelsi”yə keçidi rəsmiləşib.
AZXEBER.COM "report"a istinadən xəbər verir ki, 24 yaşlı yarımmüdafiəçi mövsümün sonuna qədər icarəyə götürülüb.
"Zadəganlar” 6 aylıq icarə haqqı olaraq qarşı tərəfə 9 milyon avro ödəyib. Sözləşmədə oyunçunun birdəfəlik satınalma variantı nəzərdə tutulmayıb.
Qeyd edək ki, Joau Feliksin "Atletiko” ilə müqaviləsi 2027-ci ilin yayına qədərdir.
