"Şadam ki, 2016-cı ildə də belə gözəl müəssisələr açılır. İli yaxşı başlamışıq"
"Report" xəbər verir ki, bunu Azərbaycan Prezidenti İlham Əliyev yanvarın 30-da Bakının Qaradağ rayonunda “Mətanət-A” şirkətinin Yeni Ağdağ gips zavodunun açılışında kollektiv qarşısında çıxışı zaman deyib.
Dövlət başçısı vurğulayıb ki, “Mətanət-A” şirkətinin rəhbəri regional konfransda da çıxış edib, nailiyyətlər haqqında danışıb:"Şadam ki, bu şirkət ölkəmizin iqtisadi inkişafına çox yaxşı töhfə verir. Dövlət də sizi dəstəkləyir. İqtisadiyyat Nazirliyinə göstəriş vermişdim ki, bundan sonra da lazımı dəstəyi versin. Təki, siz daha da yaxşı işləyəsiniz, insanlar daha da yaxşı maaş alsınlar, xalqımız daha da yaxşı yaşasın"
