Azərbaycan Prezidenti İlham Əliyevin internetdə fəaliyyətini əks etdirən resursların hazırki vəziyyəti ilə bağlı infoqrafika hazırlanıb.

AZXEBER.COM xəbər verir ki, infoqrafikada qeyd olunur ki, Facebookda İlham Əliyevə həsr edilən səhifənin izləyicilərinin sayı 300 minə yaxındır, ki bunların da 70%i 18-35 yaş aralarında olan gənclərdir.Səhifədə gündəlik aktiv istifadəçilərin sayı isə 80 mindən çoxdur.İlham Əliyevə həsr edilən Facebook səhifəyə gündəlik baxışların sayı 250 mindən çoxdur.Səhifədə həftə ərzində 5 mindən çox yeni istifadəçi var. Səhifədə yerləşdirilən hər yeni post 100 mindən çox istifadəçiyə çatdırılır.Tvitterdə prezident İlham Əliyevin iki dildə - Azərbaycan və ingilis dillərində səhifəsi fəaliyyət göstərir.Azərbaycan dilində olan səhifənin 73 min, ingilis dilində olan səhifənin isə 63 min istifadəçisi var.Bu günədək 3000 mindən çox tvit dərc edilib.Prezidentin YouTube kanalında isə 500 video yerləşdirilib və videolara baxışların sayı 1 milyon 750 min təşkil edib.Subscribe-da daimi izləyicilərin sayı 5 min nəfərdən çoxdur və 132 ölkəni əhatə edir.İnstagramda izləyicilərin sayı 18 mindən çoxdur və orada 250-dən çox foto yerləşdirilib.Öz tərəfimizdən qeyd edək ki, yuxarıda göstərilən rəqəmlər Azərbaycan Prezidentinin müasir texnologiyalardan istifadə edərək, sosial şəbəkələrdə fəallığı ilə seçilən ölkə liderlərindən birinin olduğunun bariz nümunəsidir.