"Ermənistan sülhün əldə olunmaması üçün bütün mümkün və qeyri-mümkün vasitələrdən istifadə edir. Bu isə regionda vəziyyəti daha da gərginləşdirir".

 

 

 

Deputat bildirib ki, İlham Əliyevin də dediyi kimi, Ermənistanı regionda vəziyyəti gərginləşdirməyə sövq edən ən güclü qüvvə Fransadır:

 

"Ermənistan bu gün yeni müharibəyə hazırlaşmaq istiqamətində də addımlar atır. Müxtəlif ölkələrdən, Fransadan, Hindistandan silahlar idxal edir. Amma məsələ ondadır ki, bu sadəcə Ermənistanın tək başına qərarı deyil. Ermənistanı regionda vəziyyəti gərginləşdirməyə sövq edən ölkələr var. Bunların başında Fransa durur və son dövrlərdə çox təəssüf ki, ABŞ da bu prosesə qoşulub. Ancaq bu ölkələrin ayrı-ayrı regionlarda müharibəni təşviq etməsi nəticəsində nələrin baş verdiyini hamı görür. Yaxın şərqdə, Ukraynada görünür Ermənistan siyasi rəhbərliyi də öz ölkəsini bənzər bir ssenarinin parçası kimi görür. Bu o deməkdir ki, əgər bundan sonra müharibə olacaqsa, müharibə artıq Azərbaycan ərazisində olmayacaqdır".

 

Millət vəkili əlavə edib ki, Ali Baş Komandanın Fransanın ünvanına səsləndirdiyi fikirlər Cənubi Qafqaza rifahın gəlməsi baxımından çox əhəmiyyətlidir:

 

"Azərbaycan Prezidenti də Cənubi Qafqazda yeni reallıqlar yaratmış lider kimi hazırkı mərhələdə sülhün və rifahın əldə olunması üçün çalışır. Həmçinin regionda sülhün və rifahın əldə olunmasının əleyhinə görülən tədbirləri qətiyyətlə tənqid edir. Buna görə də düşünürəm ki, Fransanın ünvanına səsləndirilən bu fikirlər regionun gələcək təhlükəsizliyi baxımından, Cənubi Qafqaza rifahın gəlməsi baxımından əhəmiyyətlidir. Çünki regiondan kənar heç bir aktor yeni müharibələri alovlandırmaqla həmin ölkələrə sülh və rifah gətirə bilməz. Cənubi Qafqazın gələcəyi məhz Cənubi Qafqaz ölkələrinin liderlərinin alacaqları qərara bağlıdır. Çox təəssüf ki, Ermənistanın baş naziri yalnış qərarlar almaqda davam edir. Bu isə nəticə etibarilə Ermənistanın özünü müharibə poliqonuna çevirə bilər".

 

 

"Azərbaycanla Ermənistan arasında sülh müqaviləsinin imzalanmağı artıq bütün bölgədə vacib elementə malikdir. Hətta Ermənistanın bu gün düşdüyü bataqlıqdan çıxmağının yeganə yolu Azərbaycanla sülh müqaviləsi imzalamaqdan ibarətdir. Biz görürük ki, Fransanın əsas məqsədi Ermənistanı Azərbaycan əleyhinə silahlandırmaqla bölgədəki gərginlik yaratmaqda maraqlı olmasıdır. Ermənistanda da ağlı başında olan silahlı qüvvələr başa düşməlidir ki, heç Ermənistan Fransanın vecinə deyil. Çünki bu gün onsuz da Ermənistan olsa da, olmasa da regional kommunikasiya layihələri inkişaf edir, bölgədə yeni lojistik imkanlar yaradılır. Ermənistanı blokadada saxlamaqla, Ermənistanı Azərbaycan əleyhinə təhrik etməklə Fransa əslində Ermənistanın iqtisadi baxımdan inkşaf etməyini Azərbaycan və Türkiyə ilə inteqrasiya etməyini istəmir".

 

Siyasi şərhçi bildirib ki, Prezident İlham Əliyev Fransa ilə bağlı çıxışında konkret mövqe ortaya qoyub:

 

"Cənab Prezident ortaya konkret mövqe qoyub. Azərbaycanla Ermənistan arasında münasibətlərin yaxşılaşdırılması üçün top artıq Ermənistan tərəfdədir. Azərbaycan lideri ən yüksək səviyyədə bütün kürsülərdə Azərbaycanın sülhpərvər mövqeyini dünyaya dəfələrlə göstərib. Belə olan təqdirdə bundan sonra Ermənistan da, Ermənistanın havadarı olan Fransa və digər qüvvələr də bundan dərs çıxarmalıdır. Amma indi Fransadaki siyasi sistemin analizi də göstərir ki, Fransa regionda sülh olmağına əngəl olacaq və Ermənistanı daim provakasiyalara təhrik edəcək. Lakin təbii ki, gələcəkdə hansısa hərbi qarşıdurma olsa, mən inanmıram ki, Fransa birbaşa Ermənistanı dəstəkləyə bilsin. Ona görə də Ermənistan ağlını başına yığmalıdır və Ermənistanın təhriklərindən vaz keçməlidir".