Gürcüstanda prezidentliyə ilk namizəd peyda olub. Gürcüstan Leyborist Partiyasının lideri Şalva Natelaşvili jurnalistlərə açıqlamasında prezident seçkilərində güvvəsini sınamaq istədiyini açıqlayıb.«Mən prezident Mixail Saakaşvili və baş nazir Bidzina İvanişvilinin qardaşlaşan partiyalarına müxaliflik edə bilərəm. Xalq artıq aydın görür ki, yeni iqtidar da onların etimadını doğrulda bilmir. Prezident seçkilərində ona görə iştirak etmək qərarına gəldim ki, insanlara həqiqət gətirmək istəyirəm”, - deyə o vurğulayıb.Gürcüstanda prezident seçkiləri 2013-cü ilin oktyabrında keçirilməlidir.
