PSJ klubu ciddi itkiylə üzləşib.
AZXEBER.COM goal.az-a istinadən xəbər verir ki, Paris təmsilçisinin futbolçusu Marko Verratti zədələnib. Bu barədə komandanın baş məşqçisi Tomas Tuxel klubun saytına açıqlamasında deyib.
Tuxel, Verrattinin komandanın son məşqini tamamlaya bilmədiyini, həftəsonu Liqa 1-də "Bordo" ilə keçiriləcək matçda iştirakının sual altında olduğunu bildirib.
Verrattinin Çempionlar Liqasının 1/8 final mərhələsi çərçivəsində keçiriləcək "Mançester Yunayted"lə matçda da iştirakı şübhəlidir.
Xatırladaq ki, PSJ-də Verrattidən əlavə, Neymar da zədəlidir. Braziliyalı futbolçunun aprel ayında yaşıl meydanlara qayıdacağı gözlənilir.
