AZXEBER.COM Türkiyə mediasına istinadən xəbər verir ki, bu sözləri məşhur astroloq Dinçer Güner öz "X" hesabında paylaşıb.

 

O, paylaşımında bildirib:

 

"Böyük ideyalar və detallar arasında balans tapmaq çətin ola bilər. Bizə gözəl ideyalar gələ bilər, lakin bu ideyaları həyata keçirmək üçün qayğı və diqqət göstərməkdə çətinlik çəkə bilərik.

 

Digər mühüm təsir şişirtmə meylidir. Biz ideyalarımızı, düşüncələrimizi və ya layihələrimizi olduğundan daha böyük və daha vacib göstərməyi istəyə bilərik. Dediklərimizi çox iddialı, həqiqətdən uzaq və reallığa uyğun olmayan şəkildə ifadə edə bilərik.

 

Biz şar kimi şişirdilmiş ideyalarla qarşılaşa bilərik. Xüsusilə söhbətlərimizdə hadisələri və ya fikirləri olduğundan daha böyük göstərmək istəyə bilərik. Odur ki, bu müddətdə özümüzü ifadə edərkən, şişirtmədiyimizə diqqət yetirsək yaxşı olar.

 

Qərar vermə prosesləri də bir qədər çətin ola bilər. Və ya əksinə, biz bir detala elə köklənirik ki, ümumi mənzərəni tamamilə itirə bilərik.

 

Bu dövrdə fikir ziddiyyətləri də ola bilər. Məntiq və inanclar arasında gərginlik yarada bilər. Bir tərəfdən rasional düşünmək və konkret məlumatlar əsasında qərarlar qəbul etmək istəsək də, digər tərəfdən inanclarımızla hərəkət etmək istəyə bilərik. Xüsusilə müzakirələrdə bir ideya və ya baxışı müdafiə edərkən biz yalnız öz inanclarımızı doğru hesab etməyə meyl edə bilərik.

 

Təlim və təhsil proseslərində də çətinliklər yarana bilər.  Biz unutqan ola bilərik, buna görə də evdən çıxmazdan əvvəl çantanızı, açarlarınızı, telefonunuzu və cüzdanınızı yoxlayın. Yeni imkanlar axtarmaq, iş və investisiyalarla bağlı təşəbbüslər etmək üçün məhsuldar ola biləcək bir dövrdür".